7 يناير 2010

خـــاطرة

كعادتى كل صباح اطلقت لعصــــــــــفورى العـــــــنان
طالبة منه ان يأتــــــــــينى بأخبـــــــار بــــــــــــلادى
طار العصفور سعيدا وصوت غناه قريــــــــــــــــــبا
حتى اختفى فى الآفاق تبسمت فرحا بصــــــــــغيرى
وقفت بشوقاٍ وحنان اتطلع ان يأتى عصــــــــفورى
غاب العصفور وغاب وبدأت اشعر بكآبــــــــــــــة
واراقب فى الافق صغيرى لعله يأتى ويرضـــــــينى
وها انا المحه قد جاء يدنو من الشرفة بلا غنــــــــاء
تبسمت ولكن تاهت بسماتى حين لمحت الحزن بعيناه
نظرت اليه اتفقد ..........حدثنى بربك مــــــا الامــــر؟
دمع العــصفور وقال بلادى ليــــست بــــــــــــــبلادى
بنوا الجـــــــــــــــدار ومنعـــــــــــوا عــــــــنا الـــــنور
سرقوا البسمة وئدو الضحــكة عـــــدموا الغنـــــــــوة
أخبرنى عن اى جدار تتحدث؟ اتحدث عن جدار العار
جــــــــــدار فرق بين طفــــــــــلى وطفـــــــــــــــلك
أخذوا من مـــالى ليبنوه وبأى ضمير وضعـــــــــوه
كنت آتيكى بأجمل ريح تتعجبى وتقولى من اين تللك؟
كانت تللك رائحـــــــــــة دمـــــــــــــاء فلسطينـــــــــى
ذهب الــيوم لاستـــــــنشق رائحـــــــة الشهـــــــــــداء
عذبونى ومنعونى وقالوا من اليوم مــــنعـــــنا الريـــــح
استوحشت بلادى وشعــــــــــــرت بظـــــــــلم قد لاح

اخذت أستنــــــــــــشق ريــــــــــح الشهــــــــــــــداء
ماوجدت الا ريح فولاذ من حقــــــــــــــد وجفــــــاء
أخبريــــــــــــــنى بربـــــــك هل بلادى هى بلادى؟!!
مسحــــــــت دموعى وتـــــــــــاهت حــــــــــروفى
صرخـــــــــــــــت وهل يكفى صــــــــراخى ؟
بكيـــــــــــــت وهـــــــل يكفى بكــــائـــــــــــى
اصررت بألا اتنـــــــــــفس إلا ريح فلسطيـــــنى
وحملت فأسأً من أمـــــــلا أهـــــــــدم به اقوى جدارِ

18 أكتوبر 2009

تاجى يا تاجى






تاجى يـــــــــــــا تاجى


السلام عليكم ورحمة الله وبركاته



ياااااااااااه بجد المدونة وحشتنى اوى ووحشنى جدا عالم التتدوين


اعتذر من الكل انى مش متابعه بس خلاص ان شاء الله ابقى معاكم عالطول


وبجد جزاكم الله خيرا لدعواتكم لدكتور سامر هو الحمد لله بقى احسن كتير


المهم بما انى بقالى كتير مكتبتش وجايلى تاج من مدونة سويت انجل مروة


الى بجد بعتذر منها جدا على التأخير وبشكرها كمان على الفرصة الجميله دى


فانا هبدأ معاكم ان شاء الله بالاجابه على اسئله التاج زى ماجاتلى


........



(1)

من أنت ؟؟

اسمى آلاء خلاص الحمد لله خلصت آداب اعلام جامعه المنصورة وجبت السنة دى جيد جدا


واكيد فرحت اوى بنتيجتى بس الصراحة زعلت اوى انى خلصت


واكــــــيد يعنى عاطله من ضمن قائمة العاطلين


عندى 21 سنة وشهر ترتيبى رقم 4 فى اخواتى

نفسى اوووووى اخدم دينى ولو بكلمه واكون قدوة قولا وعملا

وربنا يرضى عنى دايما ونفسى اوى مصر تتقدم بينا وابقى واحدة من الى ساهموا فى الاصلاح


(2)


........

ماذا تفعل هنا ؟؟


والله انا جيت اكتر عشان اتعلم


اتعلم منكم كلكم واتعلم من اخطائى

 

بس انا محبطة اوى الايامدى ومقصرة جدا فى المدونة



وبجد ده مزعلنى وجايبلى احباط بس يمكن الظروف الى كانت ملخبطة



بس ان شاء الله ارجع تانى واحاول انفض من على نفسى غبار اليأس

لان بصراحة ومضحكش عليكم جاتلى فترة قررت انى مش هاكتب وهادخل بس عشان


استفاد منك



بس ده بيتعارض مع احلامى فلازم ارجع تانى ..........دعواتكم ليا برجوع التفاؤل


 والامل مرة تانيه


(3)

......

إسرائيل تقصف كل جنوبٍ ممكن بحثاً عنك ، أي شمالٍ تقصد ؟؟


اسراااااااااااااااائيل


يوة على دى سيرة بجد اكتر كلمة بكرها فى حياتى



بس انا مش عايزاها تقصفنى فى مكانى كدة


انا عايزة انا الى اكون ايجايبيه واروحلهم مستناش لغايه مايجولى



نفسى ابقى شهيده عن جدارة واكون خرجت ولو جزء صغير من الغضب


الى جوايا وادمرهم زى ماهما دمروا مئات الاطفال


اما لو تقصدى بالسؤال انها حاله حرب وهما الى قصفونى


فاهلا ومرحبا برصاصه تأخذ بي الى جنه الخلد والفردوس الاعلى


ويــــــــــــارب وصلنى للمكانه دى واكون فعلا استاهل انى اوصلها



فانا هافضل زى مانا فى الجنوب ومش هاهرب لاى شمال خالص






(4)


........


أنت مكلف بحذف حرفٍ من حروف العربية ، أي حرفٍ تحذف ولماذا ؟؟؟


لو حذفت الاف ..........لفقدنا الأمل


ولو حذفت الباء ..........لضاعت البسمه

ولو حذفت التاء..........لهرب التسامح

ولو حذفت الثاء...........لفقدت الثقه

ولو حذفت الجيم...........لما كان هناك جمال


ولو حذفت الحاء...........للافتقدنا الحب


ولو حذفت الخاء.............لما تعلمنا ادب الخلاف


ولو حذفت الدال ............لما كان هناك دعوة

ولو حذفت الذال...........لفقدنا الذريه

ولو حذفت الراء ..........لضاااااااااااعت الرحمة

ولو حذفت الزين...........لما كان هناك زينه

ولو حذفت السين.............للذهب السلام

ولو حذفت الشين ...........لغاب عنا الشكر

ولو حذفت الصاد............لافتقدنا الــــــصدق

ولو حذفت الضاد...........لهرب الضحك

ولو حذفت الظاء .........لما وجدنا الظن الحسن

ولو حذفت الطاء...........لاختفى طلب العلم

ولو حذفت العين............لتفككت العائله

ولو حذفت الغين.....لضاع الغضب لانتهاك محارم الله

ولو حذفت الفاء...........لما استطعنا الفهم

ولو حذفت القاف...........لضاعت القيادة العادله

ولو حذفت الكاف............لتبعثرت الكرامه

ولو حذفت الام.............لغاب اللطف

ولو حذفت الميم ..........ماوجدنا فى الدنيا محبه

ولو حذفت النون............ما وجدنا النقد البناء

ولو حذفت الهاء...........لعشنا حياتنا بلا هـدف

ولو حذفت الواو............لذهب الوئام والوفاء

ولو حذفت الياء.............لعسرنا ولا يسرنا


فشوروااااااااااااااااااااااا انتم على اى الحرووووف احذف............؟


للاسف ماوجدت اى حرف لاحذفه

 

فلغتنا اجمــــــل اللغــات




(5)


..........


لو قدر لك أن تدخل السجن ، فما القضية التي تود أن تدخل بها إليه ؟؟


اممممممممممم هو اكيد قتل اليهود وكل مسىء للاسلام مش قضيه


فيمكن القضيه الى ادخل فيها تبقى مثلا قلب نظام الحكم وعمل ثورة هع هع

اصلا نفسى مصر يحصل فيها ثورة زى ثورة 52 بس تبقى حاجة جامدة كدة من اجل
التغير

ومن اجل فتح باب الجهاد فى فلسطين فيمكن دى بقى الى وقتها هاتبقى قضيه

لوان فى نظرى محاربه الفساد وقمع الديكتاتوريه ووئد السلبيه واعلاء كلمة

 الله...ليست بجرائم ولكنها فى زماننا اصبحت جرائم

(6)


..........



متى اكتشفت نفسك ؟؟



انا لسه مكتشفتش نفسى


يمكن نفسى اكون احســــــــن من كدة مليون مرة



واخرج قدراتى ولما اخرجها هابقى اقلكم بالظبط تاريخ الاكتشاف


(7)

.........

على مفترق الطريق لافتتان ، إحداهما تشير" إلى حلمك " والأخرى " إلى ما يحلم به
الآخرون " إلى أي واحدة تتجه ؟؟

امممممممممممممم

والله على حسب طبيعه احلام الاخرين

لو كانت احلامهم فيها نصرة للاسلام مثلا او دفعه لتغير او اى حلم ايجابى


او ان حلمهم ده هايدخل السعـــــادة على قلبهم


وقتهــــــــا هاختار لوحتهم واكيد ربنا هايحققلى حلمى انا كمان

لان ادخال السعادة على الاخرين مش هايروح عند ربنا

وحتى لو متحققش كفايه انى ادخلت السعادة على قلب غيرى

والله ده بيبقى من اجمل الاحلام

 

(8)
...


نحن لا نعيش حياتنا بل نتعلم فيها كيف نعيش ، ما تعليقك ؟؟


موش عارفه بس احنا بنعيش حياتنا وبنتعلم منها

 

ازاى يعنى مبنعشهاش ونتعلم منها


حاسه المقوله مش راكبه


احنا بنتعلم من اخطائنا وفشلنا فى الحياه باننا منكررش الخطأ تانى


(9)

..........

بجملةٍ واحدة ، اكتب تعريفاً لكل كلمةٍ من الكلمات الآتية (الوطن-الأم-الليل-الحب-أمريكا-المرأة-الصمت-الإنترنت) ؟


الوطن : الوطن هو احساس الامن والامان والراحة الى بجـــد مش بحسها غير فى مصر مهما كان فيها من

مسـاوىء بس هى وطنـــــــى


الأم : الانسانة الوحيدة الى تتمنالى انى ابقى احسن منها ..رمز الحب والحنان والعطاء دون انتظار اى مقابل

 


الليل : بحبه اوى بحس فيه بالهدوء والراحة ..موعد العباد للقاء رب العباد ومناجته فى احب الاوقات اليه


الحب : اجمل شعور فى الدنيا بس لو فى طريقه الصح يعنى مثلا حبنا لربنـــــــــا والرسول ,الحب فى الله ,حب الزوج لزوجته,حب الام


لاولدها ,الحب بين الاسرة , الحب بين الاصحاب وبعضهم , غير كدة الطريق الى الهـــــــلاك


أمريكا : قوة كاذبه ..عدوة الاسلام..مصدرة الفسـاد

المرأه : روح ورقه الحياه لولاها ماصار الطبيب طبيبا ولا العالم عالما فهى من تصنع وتربى الاجيال


الصمت : لغه الحوار الذكيه فخير لنا ان نحسن الصمت من ان ننافق فى الكلام


الانترنت : كنز من المعلومات وجبل من الفواحش ....فعليك انت بلاختيار



(10)


..........


قيس وعنترة وجميل هم الذين يقولون شعرا ، وليلى وعبلة وعزة صموت ، لم هذا التغيب للمرأة ؟؟


هههههههههه

ايه الحقد الطبقى ده


طبيعى البنت يبقى عندها حيــــاء


تقول شـــعر اه بس فى بيتــها ويبقى خــــــاص بزوجها


مش هاتمشى تسيح يعنى

(11)

..........



إلى أين تمضي كلمات الحب بعد أن تقولها ؟؟


اكيــــد لو فيها صدق واخلاص هاتمس القلب


وهاتتحفر فى الذاكرة وهانفضل فاكرنهاطول حياتنا



بس لو مفيهاش صدق



هاتبقى كلمات وقتيه تتبخر بمرور دقائق


(12)

..........


هل تجد علاقةً بين المرأة وقطاع الطرق ؟؟




ههههههههههههههه


طيب ايه السؤال ده بقى

كل ده عشـــــان الاشعه الى طالعه علينا اننا بنخلص اى فلوس

اصلا هى دى الحاجة المشتركة الوحيده


طبعا مفيش اى علاقة المرأة حد رقيق اوى



مينفعش نقارن بينه وبين حد بالبشاعه دى


فلى كاتب السؤال يستغفر فورا وربنا هيسامحه ان شـاء الله


(13)
........

هذا فراق بيني وبينك ، لمن ومتى تقولها ؟؟



مفيش حد اقولهالو لانى مبحبش اخسر حد


بس الى نفسى بجد اقولهالها هى ذنوبـــــــــــــى

 
(14)

 
..........كيف هو غداً ؟؟

 
انطلاقا من قول الرسول صلى الله عليه وسلم تفائلوا بالخير تجدوه

فانا شايفة ان الغد ان شاء الله مشرق

شايفه الاقصى متحرر والمسلمين رجعوا يصلوا فيه



شايفه مصر طلعت خلاص من نطاق الدول الناميه واصبحت من اولى الدول المتقدمه


شايفة المساجد فى صلاه الفجر زى صلاه الجمعه

شايفه ان البطاله مبقاش لها وجود والشباب المتغرب رجع بلده

شايفه ان اخلاق الرسول بقت متجسدة فى كل شباب الاسلام

شايفه امانة شايفة صدق شايفة شهامه شايفه ايمان
 

شايفـــــه الخلافه الاسلاميه رجعت من تــــانى والقانون المطبق هو الاسلام

وحكومة نظيف اعلنت استقالتها(واسعه دى:) ) وتم تعين حكومة منتقاه من قبل الشعب وبنزاهه

شايفه البنات كلها لابسه زى شرعى


شايفة كل حاجة حلوة ان شاء الله انا عارفه انها حجات صعبه شويه بس اكيد هاتحصل


طول ما الامل والعزيمة والايمان موجودين

 


(15)
....


لمن تمرر التاج ؟؟



والله كانت تجربه جميله وحقيقى استمتعت

ونفسى اعرف اجابتكم كلكم

فانا هاديه لخالتو الحبيبه ام مــــــــالك لو مكنتش خدته

وكل الى عايز يجاوب يتفضله بس يبقى يجبهولى تانى مانا جايبه بفلوس يعنى

(اللهم اجعلنى احسن مما يظنون واغفر لى ما لا يعلمون)

...اسألكم الدعاء



5 أغسطس 2009

صرخة ألم

(صرخة الم)
خرجت الصرخة دى من على شاطىء مصيف جمصة ,صرخة قلبت كيانا جميعا طبعا محدش فاهم حاجة هاحكى وابدأ الحكاية من الاول
لان لازم احكى يمكن لما احكى أرتاح معلش لو هاطول عليكم بس فى نقاط كتيرة خنقانى اوى
, بدأت القصة من اننا فى البيت كنا زهقانين
وقررنا نروح نتعشى برة فقولنا نروح بحر ونعد شويه فكان اقرب مكان هو جمصة صلينا العشا وروحنا , واليوم كان عادى وكنا بنهزر
ونضحك لغاية لحظة ماجه اخويا الكبير د/سامر اتكعبل على الشط وقع على رجله ومن هنا كانت الصرخة جرينا كلنا نشووووف فى ايه
وكل الى جه فى بالنا انه مجرد شد عضلى والشط كله اتلم واخويا يعينى مش قادر يقاوم الالم وبيصرخ جامد
, الحل الطبيعى اننا نستدعى
اسعاف الشط عشان هى الى تتصرف وتشيله عشان ميتشلش فى وضع غلط , فأمن الشط وصل
, طلبنا منه الاسعاف رد بكل بساطة وقال الاسعاف قافله احنا الساعة 2بالليل على اعتبار ان الاسعاف دى سوبر ماركت مثلا,, لأ
وغير كدة وكدة بيقولونا ممنوع التجمهر ويلا
نشيله ونفض الدور عشان لو الداخليه جت احنا هنتأذى على ان الداخليه واقفه مستنيه سعادتهم ، مش راحمين اخويا الى مرمى على الشط
وبيصرخ مش راحمين قلقنا وخوفنا مراعوش اى حاجة وبيتعاملوا بمنتهى القسوة , والله ساعه وربع واحنا فى الحورات دى , لغايه
مازوجته جابتله حقنة مسكن لانها دكتورة وفاهمة لغايه مانتصرف وكمان مكنوش راضين وبيقولها افهم دى حقنة ايه على اعتبار ساعته
معاه الدكتوراة مثلا , نقولهم طيب ندخل العربيه الشط ونشيله فيها يقولوا لأ الشط مقفول مش هاينفع المهم لغاية ماالحمد لله والدى جاب
اسعاف من مستشفى خارجى ونقلنا اخويا بعد معاناه , راح مستشفى جمصة الجديدة وحطوا 3 اربع خطوط كدة على الجديدة دى , طبعا
مفيش اى دكاترة غير هو دكتور واحد ,فنى الاشعه بصلوا كدة وقالوا رجلك اتكسرت روح دمياط وهما كدة كدة هايعملولك اشعه مش لازم
اعملك ....(اترك لكم التعليق) المهم عمل الاشعة والحمد لله مكنش فيه فى المستشفى ملايه حتى يتغطى بيها وجابولو ستارة متوسخة يتغطا
بيها وعمار يامصر
وطلعت نتيجة الاشعه كسر فى عضمة الفخد والعضمة متحركة من مكانها لغايه اللحم , يعنى محتاج يركب مسمار ويعمل العملية
والحمد لله انها جت على اد كدة , وهو اخويا الحمد لله حامد ربنا زعله مش على الى حصله زعله على الى حصل فيه والتعامل بتاع
البشر ,قلنا يروح
مستشفى الجامعه فى المنصورة بس بتبقى قافلة مفيش غير الدولى والعام
والمستشفيات الخاصة كمان هاتبقى قافله احنا كنا 4الفجر بس
امكانيتهم مش كويسة فقرروا يروحوا مستشفى الازهر فى دمياط الجديدة
, لانها مستشفى متأسسة جديد وكمان اخويا اشتغل فيها سنتين
يعنى الناس هناك عارفينه وبعد معاناة مع عربية الاسعاف الى كانت زى الكشك بالظبط مفيهاش اى امكانيات ومع صراع من الالم
والمطبات من جمصة لغايه دمياطـ وكل مطب بألم رهيب له , وصل والحمد لله ودخلنا بيه وبدأت سلسله تانيه من الاساءة والاهمال
الدكتور
الى استقبلنا بصلنا كدة وقال مفيش سراير فاضيه ,بجد كانت صدمة زوجة اخويا قالتله حطة فى اى قسم مش شرط العظام وانا
هاتصرف ,
وعرفنا بعد كدة ان فيه قسم كامل مفتوح جديد ومفيهوش اى حد وجميع سرايره فاضيه لكن هاقول ايه على ضمير الناس
,المهم طلعناه فى القسم الفاضى واصحابه حطوه فى غرفة الطبيب , ودى كانت حاجة كويسه , نيجى بقى للدكتور مفروض يعمله حاجة
اسمها (التومس) انه يشد رجله باسياخ حديد عشان يثبتها على مايعمل العملية , طلب انه ياخد مسكن رد ببردود مفيش مسكن
استحمل انت وشد رجله بطريقة غلط لان مفروض رباط الضغط يبقى من تحت عمله من على مشط رجله من فوق على الرغم ان اخويا
قاله لكن بردوة مشا الى فى دماغه وعور رجله وبهدلها فضل اخويا كدة 3ايام لغايه مالدكتور الكبير يجى من القاهرة ويعملها
معلش اسمحولى احكيلكم المأساه الى حصلت فى العمليه مفروض ان بيكون فى صنيه فيها المسامير مجهزة وقت العمليه جه دكتور التخدير
خدره بنج نصفى لو ان اخويا كان رافض لانه بكدة هايبقى سامع كل حاجة وبعد لما خدره اكتشفوا ان صنيه المسامير ناقصة مسمارين
الدكتور اعد يزعأ فى الدكاترة وفى الحكيمات وكل ده واخويا سامع على الرغم اننا دافعين حساب كل ده وكمان ممضينا على اقرار اننا
متبرعين بيهم للمستشفى يعنى مصرفوش علينا حاجة المشكله ان المسامير لما تيجى تتعقم ساعتين ووهو خلاص اتخدر فضل متخدر
ساعه وتلت وهما عاملين يزعأوا ونفسية اخويا تحت الصفر وعدا من وقت التخدير ساعة وتلت جه فى نص العمليه وهما بينشروا فى
العضم وبيدقوا بالشاكوش حس بالالم وفاق خالص اعد يصرخ فيهم وقالوهم محدش عاد يعمل فيا اى حاجة الا لما تجيبولى دكتور
التخدير وخدرونى من تانى دكتور التخدير قال باستهتار يعنى ايه يعنى فايق حرك رجلك كدة فقاله اهو وحركها طبعا عرف انه فاق وكان
عايز يخدره نصفى تانى قال لأة انا رجلى مرفوعه والتخدير هيرجع تانى وخدروه كلى فى الاخر طيب لازمته ايه كل ده يعنى لكن بجد
كلنا بنقول الحمد لله انابحكى من زعلى على حال بلدنا, المؤمن مبتلى وكلنا الحمد لله مؤمنين بده بس الى يدايق الاوضاع الى
حوالينا ومعامله المريض نفسة ده كانت الممرضة يبقى معاد الدوا 12الضهر تيجى الساعه 2 وباليل يبقى 12 تيجى عشرة ونص
عشان تنام بدرى......فبجد وضع يحزن احكى عن ايه ولاايه احكى عن التكيف الى كان بيقطع فى الغرفة بمدة تسع سعات ليلا
وزوجته تلف المستشفى كلها يقولولها اصلا مفيش فنى تكيف نباطشى مبيجيش غير الصبح ولما قابلته قالها
انا مليش ذنب شركة الكهربا هى الى بتخفض الكهربا عن المستشفى فالتكيف بيفصل اوتوماتيك
ولا احكى عن كنت مرة بزوره فى المستشفى وهو يعينى بيصرخ من الالم وبيطلب من الدكتور حقنة مسكنة
قاله خد بندول على اساس انه عنده شويه صداع ولا نزله برد ولااحكى عن الدكتور الى كان بيغيرله الجرح وبيرمى الشاش الملوث على الارض ولما اخويا شافه جاله هبوط حاد فى الدورة الدمويه من الاشمئزاز واغمى عليه ومحدش لحقة غير زوجته بالمحاليل والحقن وفاق بعدها بنص ساعه ........احكى عن ايه ولا ايه....
انا مش جايه اتكلم عن حاله اخويا بس يمكن دى مجرد حاله من الاف الحالات الى ماليه المستشفيات ويمكن حاله اخويا اهونهم وكمان
دكتور يعنى كانت معامله خاصة شويه مابلكم بلى ملهومش اى سلطة والناس الفقيرة والمواطن المطحون
وفى الاخر صرخة الم فى كل اطباء مصر راعوا الله فى مرضاكم
صرخة الم فى مؤسسين المستشفيات راعوا الله فى ما تصنعوه
صرخة الم فى حكومات مصر اتقوا الله فى اموال الدوله المهدرة
صرخة الم فى كل من غابت ضمائرهم اجعلوا الله فوق كل شىء
صرخة وصرخة وصرخة منبعثة من اعماقى تذكروا ان الدنيا ليست بباقيه لاحد
انا بكدة خلصت كل الى بطلبه منكم انك تتدعوا لاخويا ربنا يشفيه ويرجع يمشى تانى , والواحد بجد اتعلم لو علمتم مافى الغيب لاخترتم
الواقع هو كان نازل عشان رساله الماجستير بتاعته سبحان الله نزل لقدر تانى خالص لكن بجد الحمد لله ويبخته بالحسنات الى
هايخدها واكيد قدر اخف من قدروربنا يجعلها فى ميزان حسناته واسألكم الدعاء واحنا فى ايام جميله من شعبان ....استودعكم الله

25 يونيو 2009

هيييييييييييييه خدت الاجازة

طبعا البوست باين من عنوانه انا فعلا النهاردة خدت الاجازة
وبجد مبسوووووووطة جدا عشان الترم ده كان ضاغط عليا جامد
والحمد لله عدت على خير وعقبال النتيجة بقى
عشان ابقى خريجة رسمى وباثبات الاوراق
طبعا النهاردة مع فرحتى دى كلها انى خلاص خلصت
ومعدش فيه مزاكرة ومعدش فيه استريس امتحانات
وهناااااااااااااااام براحتى واصحى براحتى وموش هاعد احلم بالمواد
واصحى من عز نومى عشان اشوف جزئية نسياها
وافضل كدة طول الليل وميجليش نوووووووم خالص
واالاقى الورق الى جبته فى المادة موش حلو واعد الخصه تانى
والساعه الى كانت عمالالى توتر انى موش هالحق اخلص
وقرصات العملى الى نزلتها لانى اكتشفت انى موش فاهمة حاجة وانابزاكر
ياااااااااااااااااااااااه هارتاح من كل ده يعنى فرى فرى على الاخر
بس حقيقى كان يوم صعب وانا بودع كليتى وبصورة رسميه وبودع اصحابى
وبودع كل التعليم , هو ان شاء الله هاشوف اصحابى عالطول
بس حقيقى هتوحشنى ايام الدراسة اوى
على راى اخويا متصل من السعوديه
عشان يغظنى ويقولى مبروك الاجازة وانتى خلاص مابقتيش طالبه وصغيرة
بقيتى بقى انسة جامعيه متخرجة ولافيه راحة الكليه
ولا عملت فى الكليه كلها هاتبقى كنت بعمل كذا فى الكليه
فعلا كل حياتى الجامعيه بقت فعل ماضى
, وودعت الكليه بدموعى بجد مكنش هاين عليا امشى
واتفقت انا واصحابى اننا ان شاء الله ننزلها
ونخلى فسحتنا وتجمعنا فيها لانها شهدت احلى ايام حياتى
هو انا موش عايزة انكد على نفسى من دلوقتى واحس بمتعه الاجازة
ومتعه الحرية بعد الحبس الانفرادى الى كنت فيه ده

وطبعا انا موش عايزة اكرر كلام بوست وداعا آداب المنصورة
بس انا قلت اكتب الكلام ده
بس عشان يبقى مجرد ذكرى ابقى افتكر فيها يوم تخرجى 25/6/2009
الساعه 2:50 مساءابالظبط كنت خارجة من اللجنة وانا مبسوطة وموجوعه فى نفس الوقت
املى بقى ان يارب النتيجة تبقى كويسة وابقى فعلا اتخرجت فى اليوم ده
ولسة بقى قدامى افكار كتيرة وحياة عمليه
وريفرش كدة لنفسى فى عباداتى وحفظى للقران وصله رحمى
وكمان اهتمامى بمدونتى وقرصات بقى والتنمية من نفسى
ويارب تبقى اجازة سعيدة
ويارب يجيب اخواتى بقى بالسلامة
عشان الاجازة تبقى احلى حقيقى وحشونى اوووووووووى
وانتظرونى فى بوستى القادم وفى كل كتاباتى ودعواتكم ليا بالتوفيق
وخلينى بقى متفائلة واقول ويلكم بيكى يااحــــــــــــــــــلى اجازة

7 يونيو 2009

ويلكم اوباما

اوباما جه ورفعنا القبعــــــــــــــــــــات

وغسلنا الشوارع والجامعـــــــــــــــات

وقلنا اهلا بيك يا اوبا لكــ اجمل التحيات

شعب مصر بيرحب بيكـ وبقاله كتير مستنيك

معلش ريسنا كان شويه تعبـــــــــــــــــــــــــــــــــان

لكن الوزرا قاموا معاك بالدور التمــــــــــــــــام

وصلت مصر وتحت القبه ألقيت خطابـــــــــــكـ

وبروح جميله وضحكة حلوة نمقت كلامكـ

واصحاب العمم والطلبه ســـــــــــقفوا

مبادرة حلوة منقدرش نقول اى كلام

طلعت ذكى وعرفت مدخل شعبنا ودوغرى دخلتله

قلت شويه كلام كانوا فى التمــــــــــــام

وشويه ميدخلوش دمااغ أى انســـــان

حماس بقت عنيفة واسرائيل بقت بريئة

طيب بالذمة ده اسمه كــــــــــــــــــــلام

ده حتى دم أطفالنا لسه سايل فى كل مكان

والامريكان بيدبحوااااا فى افغانستان

واسرائيل اتمزجت اوووى وعجبها الكلام

عيب عليك يا أوبا ده احنا فرشنالك الارض ريحان

ولزيارتك قفلنا المدارس وسفلتنا الطريق العــــــام

زرت مسجدنا و لفيت وسط ابو الهول والاهرام

بس برجع تانى واقول مبادرة حلوة منك مش زى بوش الجبان

وفى كلام قلته تصالح بيه عـــــــالم الاســـــــلام

موش هاتصالحنا غير لما نشوف مبادرة بالفعل موش بالكلام

welcomeبيك يا أوبا ولسة مستنين زيارات كمــــــــــــــــــان

لجل مصر تنضف ويمسحــــــوافى شوارعها كمان وكمان

28 مايو 2009

وداعا آداب المنصورة

(وداعا لاجمل فترات حياتى)
البوست النهاردة مختلف لانى مش جايه اقووووول كلام منسق
انا جايه اتكلم عن احاسيس كتيرة جوايا حساها الايامدى بالتحديد
لان الايامدى مش زى اى ايام انا يمكن بمر بفترة صعبه اوى
ومحستش بكدة بجد غير النهاردة وانا باخد أخر محاضرة فى المرحله الجامعيه كلها
يااااااه ا ايه الايام عدت بسرعه انا فاكرة لسه وانا فى سنة اولى كانة امبارح وانا داخله عالم الجامعه
باحساس فيه رهبه وفرحة فى نفس الوقت
رهبه من عالم غريب سمعت عنه وكنت لسة اول مرة اعيشة وفرحة
انى خلاص بقيت طالبه جامعيه وخلاص بقى هابقى حرة نفسى ولادروس ولاشدة
اعصاب ولاحجات من تى خالص وكمان دخلت المجال الى كنت حاباه
حاسة ان كل حاجة دلوقتى بتعدى قصاد عنيا لسة فاكرة حفله الترحيب الى اتعملت لينا
والى اتعرفت فيها على بنات عمرى ابدا ماهنساهم
وفاكرة كمان اول محاضرة دخلتها لـ د/منى طه فى مادة نشئة وسائل الاعلام
واد ايه انا كنت مستغربه الجو وموش فاهمة حاجة ولا اول مرة بقى اطلب منى بحث كنت ملبوخة على الاخر
وروحت لمدرس الاقتصاد بتاعى بتاع ثانوي عشانن يساعدنى لانه كان بحث فى مادة الاقتصاد الاعلامى
وادانى كتاب عن طريقه عمل البحوث وكنت مكبرة الموضوع اوى
ومن هنا كمان كانت بدايه دخولى للنت عشان ابحث عن معلومات
حتى كان اول بحث عملته كان عن(عماله الاطفال) ياما بعدها عملت بحوث ولافاكرة حتى اسمها
,لكن بجد اول حاجة فى حياة الواحد دى بيبقى ليها ذكريات تانيه
بجد حاسة انها كانت لسة امبارح ,
ولاايام الرحلات الى بجد كنت بضحك فيها من قلبى
بجد عشت فى كليتى ايام تحفة لغايه الان انا موش مصدقة انى سايبه كل ده خلاص
بودع اجمل فترات حياتى بودع اصحاب ياعالم هنشوف بعض تانى
انا فعلا محستش بمرارة ده غير دلوقتى كنت النهاردة بودع خلاص المحاضرات
والمدرجات والقرصات الى كنت بخدها
وايام المزاكرة الى معدش لسالى فيها غير شهر بمافيها بقى من خنقه وتوتر بس
والله كانت بتبقى متعه خاصة انا واصحابى مش بنزاكر غير بالرنات على الموبيل
واخواتى يقولولى انتى صداع انتى واصحابك مش بتبطلوا رن بس بجد انا اصحابى منى وزهرة
دول من الناس الى كسبتهم اوى فى فترة الكليه ومش بنعرف نزاكر غير لمانرن لبعض بالورقه
وبعد نهايه الفصل نتكلم والله بتبقى متعه وتشجيع فى نفس الوقت اننا منقومش من على الكتاب ده غير الايام الجميله
الى عشتها معاهم واكلنا برة الى مرة يبقى حلو ومرة يبقى مؤرف
وبطننا توجعنا كلها ايام حاسة انها مش هاتتعوض..........وفى فترة كمان من حياتى كانت مهمه اوى
وهى اشتراكى فى جمعيه رساله الى عرفناها عن طريق الجامعه بردوة وطبعا هى قريبه من اداب
فكنا نخلص محاضرتنا ونروح او نكنسلها بمزاجنا ونروح وفعلا رساله دخلتنى فى عالم كنت بعيدة عنه اوى
من زيارات للايتام ودار المسنين ليوم اليتيم وازاى كانت حفله تحفة
والاطفال كانوا مبسوطين للجنه المكفوفين الى انا عالطول
فيها بنساعد اصحابنا المكفوفين باننا نكتبلهم على الكومبيوتر المناهج عشان تتطبع برايل
او نمليهم وهما يكتبوا وعرفت اد ايه انا فى نعمه
موش حاسة بيهت كنت كل لحظة بشكر ربنا على كل النعم
والله اتعلمت منهم يعنى ايه كلمة رضا شوفتها فيهم وفى صبرهم وتعايشهم مع
الى هما فيه وان شاء الله مستمرة معاهم بس هافتقد الاوقات الكتيرة الى قضتها معاهم
يمكن فيهم ناس خلاص هيخلصوا ومش هاشوفهم تانى ..........
يمكن فى حجات انا مستمتعتش بيها اوى وندمت عليها فى كليتى الشعبه الى انا فيها(اذاعه وتلفزيون)
انا كان نفسى اصلا ادخل صحافة بس سبحان الله الدكتور دخل عقدنا فيها وخلانا كتبتنا اذاعه
وقالنا ان قسم اذاعه بياخد من اعلى الدرجات وتقديره عالى وهو فعلا كدة بس انا مفروض مكنتش اتاثر بالكلام ده
واخلينى على الى انا حاباه بس هو ده كان قدرى انا دخلت اعلام وانا بارادتى
وجه موضوع الشعبه فى سنه تالته ده هو الى اجبرت بس بطريق غير مباشر بس يمكن هو ده الخير ليا
وكمان عرفت حجات مكنتش اعرفها فى عالم الانتاج والاخراج
فبرجع تانى واقول الحمد لله رغم انه صعب وابحاثنا وشغلنا كتير بس خلاص اتعودت واتاقلمت فيه
وادينى خلاص بودعه وانا قلبى بيتقطع انا فعلا بغبط بتوع سنه اولى جدا
ونفسى ميضيعوش ولو يوم واحد يعملوا فيه حاجة مفيدة ويسيمتعوا باجمل ايام هيعيشوها .........
ياااه ياكليتى كنت داخلاكى وانا عماله ابصلك ومدايقة انك برة الجامعه واقول ليه احنا مش فى الحرم الجامعى
وكمان شكلك زى المدرسه ودلوقتى بجد بقيتى من اقرب الاماكن لقلبى وبودعك بدموعى
ونفسى لو الايام ترجع واستمتع بكل دقيقة فيكى ..........بجد بحبك اوى يا اداب المنصورة
بحبك ياقسمى اعلام بحبكم يااحلى اصحاب فى الدنيا واصدقاء الدرب لمدة4 سنين
وهتوحشونى اوى وان شـــــــــــاء الله علاقتنا تستمر لان حبنا فى الله
لكن انا بس بودع ايام عشتها معاكم بودع وزارة التربيه والتعليم وبقولها
مع كل مابكى من عيوب بس عمر ماهنســــــــــاكى وكنتى اجمل فترة عشتها
والقاكى فى فترة جديدة اخرى من تعليمى الى يارب ارزقنى العزيمة واعمله
وهوو الدراسات العليا والماستر ان شاء الله بس كدة خلاص خلص التعليم الاجبارى
ياترى حياتى من غير جامعه هاتبقى عامله ازاى؟ ربنا يعينى واقدر استغلها صح وانمى نفسى وقدراتى
دعواتكمــــــــــ
ووداعـــــــــــا آداب المنصورة بكل مابكى من ذكريات